जनकपुरधाम, २७ वैशाखःजनमत पार्टीले समर्थन फिर्ता गरेपनि मधेस प्रदेशमा नेपाली कांग्रेसको नेतृत्वको सरकारलाई निरन्तरता दिने निर्णय चार दलले गरेका छन् ।
आइतबार बसेको कांग्रेस, जसपा नेपाल, नेपाली कम्युनिस्ट पार्टी (नेकपा) र लोसपा नेपालको संयुक्त बैठकले यादव नेतृत्वको सरकारलाई निरन्तरता दिने निर्णय गरेको हो ।
कांग्रेससहित सत्तारुढ चार दलले आइतबार वर्तमान मुख्यमन्त्री कृष्णप्रसाद यादवलाई विश्वासको मत लिने निर्णय पनि गरेका छन् । उनीहरूले विज्ञप्तिमार्फत यथाशिघ्र चाँडो विश्वासको मत लिने पनि निर्णय गरेको बताएका छन् ।गत वैशाख २२ गते जनमत पार्टीले मधेस सरकारबाट समर्थन फिर्ता लिएको थियो ।साभारःअनलाइखबर