रौतहट,२९चैत : नेकपा एमालेबाट निर्वाचित राैतहटकने देवाही गोनाही नगरपालिका मेयर प्रेमलाल साह आम जनता पार्टीमा प्रवेश गरेका छन्।
मेयर साहसहित वडा नम्बर ४ का वडाध्यक्ष रामप्रवेश पटेल, वडा नम्बर ९ का वडाध्यक्ष बिरबहादुर साह लगायतका जनप्रतिनिधिहरू सामूहिक रूपमा आजपामा प्रवेश गरेका हुन्।
आम जनता पार्टीका सचिवालय सदस्य रामशरण यादवले दिएको जानकारी अनुसार अझै अन्य जनप्रतिनिधि र कार्यकर्ताहरू पनि पार्टी प्रवेशको तयारीमा रहेका छन्। उनीहरूलाई आजपा अध्यक्ष तथा पूर्वमन्त्री प्रभु साहले पार्टी प्रवेश गराएका हुन।