रौतहट,७ चैत :रौतहटमा जिल्ला ट्राफिक कार्यालय र यातायात ब्यवस्थापन कार्यालय गौरको टोलीले सवारी साधनको यान्त्रिक चेकजाच सुरु गरेको छ ।
जिल्ला ट्राफिक प्रहरी कार्यालयर रौतहट र यातायात व्यवस्था कार्यालय गौरको संयुक्त आयोजनामा ट्राफिक कार्यालयका प्रमुख,प्रहरी निरीक्षक राजेन्द्र थापा मगरको कमाण्डमा ७ जना र यातायात व्यवास्था कार्यालय, गौर रौतहटका मेकानिकल सुपरभाईजर अनिष साह लगायतको प्राविधिक टोलीले शनिबार पुर्व–पश्चिम महेन्द्र राजमार्गमा चेकजाँच सुरु गरेको हो ।
चन्द्रपुर ४ स्थित पुर्ब पश्चिम राजमार्गमा चल्ने ३५ वटा सार्वजनिक सवारी साधन (बस, ट्रक, टाटा सुमो, ईभी) हरुको यान्त्रिक परिक्षण गरी समस्या रहेका सवारी साधनहरुलाई आवश्यक मर्मत तथा सर्भिसिङ्ग गर्न सुझाव दिदै समयमा नै सवारी साधानहरुको यान्त्रिक परिक्षण गर्न सुझाव सहित सवारी दुर्घटना हुनबाट बच्ने उपायका बारेमा सचेत गराईएको ट्राफिक प्रहरी प्रमुख राजेन्द्र थापाले जानकारी दिए ।
पुर्व–पश्चिम जोड्ने राजमार्ग मुख्य राजमार्ग रहेकाले गुड्ने सवारी साधनको अवस्था बुझ्न यो अभियान सुरु गरिएको निरीक्षक थापाले बताए ।दुर्घटना न्यूनीकरणनै ट्राफिकको मुख्य उद्देश्य भएकाले सवारी चलाउनु अघि सवरीको अवस्था बुझेर,चेकजाँच गरेर सवारि चलाएमा सम्भावित दुर्घटना टर्ने भएकाले सबैले सवारी चलाउदा सचेतना अपाउनु पर्ने निरीक्षक थापाले बताए ।