वीरगन्ज,१२फागुनःपर्सा क्षेत्र नम्बर ३ मा रास्वपाका उम्मेदवार रामाकान्त चौरसियाले आफ्नो प्राथमिकतामा शिक्षा, स्वास्थ्य, रोजगार र विकाससंगै सुशासनपनि प्राथमिकतामा रहेको बताएका छन् ।
मंगलबार सखुवा प्रसौनी गाँउपालिकाका विभिन्न वडामा घरदैलो कार्यक्रम गर्दै मतदातासंगको संवादमा उक्त प्रतिबद्धता जनाएका हुन् । स्थानीयबासीका गुनासा सुन्दै उनले सडक, ढल, फोहोर व्यवस्थापन, खानेपानी आपूर्तिसंग सम्बन्धि समस्याहरु अस्थायी योजनाले समाधान नहुने उल्लेख गर्दै दीर्घकालीन पूर्वाधार विकास योजनाको आवश्यकता रहेको बताए ।
आँफु सांसदमा निर्वाचित भएपछि ती समस्याहरुलाइ पनि प्राथमिकतामा राखेर सम्बन्धित मन्त्रालय र निकायसँग समन्वय गरेर स्थायी समाधानका लागि पहल गर्ने प्रतिबद्धता जनाए।चौरसियाले निर्वाचनपछि नियमित जनसम्पर्क, सार्वजनिक सुनुवाइ तथा प्रगति प्रतिवेदनमार्फत नागरिकलाई जानकारी गराउने प्रणाली विकास गर्ने आश्वासनपनि दिए।