वीरगन्ज ७ ,फागुन: परिवर्तनका लागि युवा र भरोसाको केन्द्रका रूपमा चिनिँदै आएको प्रगतिशील लोकतान्त्रिक पार्टीका पर्सा निर्वाचन क्षेत्र नम्बर–२ का उम्मेदवार अमिताभ बच्चन दासले आज बहुदरमाई नगरपालिका वडा नम्बर–२ अन्तर्गत सिसयारी र बैरिया गाउँमा घरदैलो तथा जनसम्पर्क कार्यक्रम सम्पन्न गरेका छन्।
घरदैलोका क्रममा उम्मेदवार दासले स्थानीय जनसमुदायसँग प्रत्यक्ष भेटघाट गर्दै आफ्ना योजनाहरू र प्रतिबद्धताबारे जानकारी गराएका छन् ।
जनताले “आज जसरी सधैं जनतासँग भेटघाट गर्दै जनताको समस्या बुझिरहनुहोस्” भन्ने सुझाव समेत दिएका छन् ।
उम्मेदवार दासले जिल्लालाई कृषि तथा व्यापारिक हबका रूपमा विकास गर्ने प्रतिबद्धता जनाउँदै, जितपछि जनअपेक्षा अनुसार काम गर्ने बताएका छन्।
कार्यक्रममा स्थानीय युवाहरू, अगुवाहरू तथा सर्वसाधारणको उल्लेखनीय सहभागिता रहेको थियो।
