काठमाडौं,१८पुसः प्रतिनिधिसभाअन्तर्गत समानुपातिकतर्फ निर्वाचन आयोगमा राजनीतिक दलहरूले बुझाएको बन्दसूचीमा महिला प्रतिनिधित्व कम भएको भन्दै काठमाडौंमा महिलाहरूले प्रदर्शन गरेका छन्।
संविधान प्रदत्त समानूपातिक समावेशी अधिकार कुण्ठित गरेको भन्दै राजनीतिक कदमविरुद्ध महिला अधिकारका लागि दबाब अभियानले शुक्रबार काठमाडौंको माइतिघरदेखि बानेश्वरसम्म प्रदर्शन गरेको हो।
प्रदर्शनमा सहभागीहरूले समानुपातिकलाई आरक्षण नबनाऔं, समानुपातिकको मर्म मास्न पाइँदैन, संवैधानिक अधिकार कायम गर, अधिकार खोस्ने अभ्यास–लोकतन्त्रको अपमान, हामी न्याय चाहन्छौंलगायत लेखिएकाले प्लेकार्ड प्रदर्शन गरेका थिए।
उनीहरूले संविधानले सुनिश्चित गरेका तर व्यवहारमा कार्यान्वयन नभएका अधिकारहरूलाई पुनः स्मरण गराउँदै नारा लगाएका थिए।साभारःअन्नपूर्णपोष्ट