बारा,१७मंसिर:बाराकाे कलैयास्थित यातायात कार्यालयमै कार्यालय प्रमुख अबिन्द्र दास र खरिदार सत्यनारायण साहबिच कुटाकुट भएको छ।
बुधबार साँझ साढे पाँच बजेतिर कार्यालयमै दुवै जनाबिच कुटाकुट भएको हो।
कुटाकुटबाट खरिदर सत्यनारायण साहको अनुहारमा चोट लागेको छ। चोटले उनकाे अनुहार सुन्निएको छ।कार्यालय प्रमुख दासको पनि अनुहारमा घाउ लागेको छ। कार्यालय मै कुटाकुट गर्ने दुबै जनालाई जिल्ला प्रहरी कार्यालय बाराको टोलीले नियन्त्रणमा लिएको छ ।
बाराका प्रहरी प्रमुख प्रहरी उपरीक्षक नागेन्द्र कुवरले यातायात व्यवस्था कार्यालय कलैयाका प्रमुख दास र खरिदार साहले कुटाकुट गरेको घटनाको विषय अनुसन्धान गर्न जिल्ला प्रहरी कार्यालय बारा लगिएको बताए । साभार:नागरिक