बारा,२ कात्तिक:बारामा शनिबार राति मोटरसाइकल दुर्घटना हुँदा २ जनाको मृत्यु भएको छ ।
पथलैयाबाट निजगढ जाँदै गरेको ना ३३ प ६८५७ नम्बरको मोटरसाइकल अनियन्त्रित भई जीतपुरसिमरा उपमहानगरपालिका वडा नम्बर १ स्थित डुङ्ग्रे पुलको रेलिङमा ठोक्किएर दुर्घटना हुँदा २ जनाको मृत्यु भएको हाे ।
दुर्घटनामा घाइते भएका दुबै जनालाई बाराकै नाैतनस्थित एलएस न्युरो हस्पिटलमा लगिएकोमा चिकित्सकले दुवै जनालाई मृत घोषणा गरेकाे जिल्ला प्रहरी कार्यालय बाराले जनाएको छ ।मृत्यु हुनेमा एक जना मोटरसाइकल चालक जीतपुरसिमरा उपमहानगरपालिका–१५ डुमरवानाकाे नयाँ बस्तीका २० वर्षीय साजन तमाङ रहेका छन् ।
अर्का मृतकको भने अहिलेसम्म पहिचान खुल्न नसकेको प्रहरीले जनाएको छ ।