काठमाडौं,४साउनः प्रधानमन्त्री केपी शर्मा ओली भारत भ्रमणमा जाने भएका छन् । उनि आगामी भदौं ३१ गते भारत भ्रमणमा जाने तय भएको हो ।
भारतीय प्रधानमन्त्री नरेन्द्र मोदीले ओलीलाई दुई दिने भ्रमणका लागि निमन्त्रणा पठाएका हुन् । प्रधानमन्त्री कार्यालय स्रोतका अनुसार ओलीको यो भ्रमण सम्भवतः अहिलेसम्मकै छोटो भारत भ्रमण हुनेछ ।भदौ ३१ गते भारतको राजधानी नयाँ दिल्ली प्रस्थान गर्ने प्रधानमन्त्री ओलीको प्रतिनिधिमण्डल त्यसको भोलिपल्ट अर्थात् १ असोजमै स्वदेश फर्कने छ ।
आगामी नोभेम्बर तेस्रो साता अर्थात् कात्तिक पहिलो हप्ता मोदी पनि नेपाल आउन सक्ने आश्वासन आएको सरकारी पक्षले बताएको छ ।
तर मोदी काठमाडौं नआएर नेपालको कुनै धार्मिक पर्यटकीय वा व्यापारिक महत्वको ठाउँमा आउन सक्ने, प्रधानमन्त्री ओलीले मोदीलाई त्यहीँ स्वागत गर्ने सम्भावना रहेको बताइएको छ ।स्रोतका अनुसार मोदीको उक्त भ्रमण पनि छोटो नै हुनेछ ।साभारः अनलाइनखबर