वीरगन्ज,६असोजःवीरगन्जमा आयोजित विद्यालय स्तरीय फुटबल प्रतियोगिताको उपाधि भूतपूर्व सैनिक स्कुल बड्निहारले जितेको छ ।आदर्शनगर रंगशलामा सोमबार भएको फाइनल खेलमा बिकन माविलाई २–० गोलले पराजित गर्दै भूपू सैनिक स्कुलले उपाधि जितेको हो ।
नेपाल फुटबल संघ पर्साद्वारा आयोजित १४ वर्ष मुनिका विद्यार्थीहरूको विद्यालय स्तरीय फुटबल प्रतियोगितामा ११ वटा विद्यालयले भाग लिएका थिए ।प्रतियोगिताको समापन समारोहमा विजेता र उपविजेता टिमलाई ट्रफी र प्रमाणपत्र वितरण गरिएको थियो।