वीरगन्ज,३असोजःदलित महिलाहरुको क्षमता अभिवृद्धिका लागि वीरगन्जमा तीन दिनेतालिमको आयोजना गरिएको छ ।टेवा नामक संस्थाको आर्थिक सहयोगमा दलित महिला संघ पर्साले बिहीबारदेखि वीरगन्ज गेटवे हाेटलमा आयोजना गरेको तालिममा २८ जना दलित महिलाहरु सहभागी छन् ।
दलित महिलाहरूलाई सशक्त पार्दै उनीहरूको नेतृत्व क्षमता, अधिकारप्रतिको सचेतना र सामाजिक सहभागिता बढाउने उदेश्यले तीनदिने तालिमको आयोजना गरिएको संघकी अध्यक्ष नीला रामले जानकारी दिइन् ।
निभा सिंहले सहजीकरण गरिरहेको तालिमको दोस्रो दिन शुक्रबार संस्थाका सल्लाहकार वीरगन्ज महानगरपालिका वडा नम्बर ८ का वडाध्यक्ष रितेश कुमार गुप्ताले तालिममा सहभागी दलित महिलाहरुलाई प्रोत्साहित गरेका थिए ।
दलित महिलाहरूको सशक्तीकरणका लागि यस प्रकारका तालिम नियमित रुपमा सञ्चालन गर्नुपर्नेमा जोड दिँदै संघकी अध्यक्ष रामले सहभागीहरूलाई तालिमबाट प्राप्त ज्ञानलाई व्यवहारमा उतार्न आग्रह गरिन्।