वीरगन्ज,७साउन:गरिब र जेहेन्दार विद्यार्थीलाई वार्षिक छात्रवृत्ति र गम्भीर बिरामीलाई उपचारमा आर्थिक सहयोग उपलब्ध गराउन चित्रांश परिवारले चित्रगुप्त समिति वीरगन्जलाई ५ लाख ५ हजार रुपैयाँ उपलब्ध गराएका छन् ।
आफ्नो भाइ स्व. सुर्य मोहन लालको स्मृतिमा वीरगन्ज- ३ का सुशील कुमार लाल , गगन मोहन लाल ,अजित मोहन लाल र खड्ग मोहन लालले चित्रगुप्त समिति वीरगन्जलाई अक्षय कोषका लागि ५ लाख ५ हजार रुपैया उपलब्ध गराएका हुन।सुर्यमाेहन लालकाे केही वर्ष अघि सडक दुर्घटनामा परेर मृत्यु भएको थियो ।
बुधबार दाता परिवारको तर्फबाट गगन मोहन लालले चित्रगुप्त समितिका अध्यक्ष महेश दासलाई ५ लाख ५ हजारको चेक हस्तान्तरण गरे ।स्वर्गीय सुर्यमोहन लालका भतिजा मनिष सुमनले अविवाहित काकाको अंशको रुपैया काकाको चीरस्मरणको लागि अक्षयकोष स्थापना गरि चित्रगुप्त समिति मार्फत गरीब जेहन्दार विद्यार्थीलाई वार्षिक छात्रवृत्ति र गम्भीर बिरामीलाई उपचारमा आर्थिक सहयोग उपलब्ध गराउन ५ लाख ५ हजारको चेक हस्तान्तरण गरिएको बताए।
दाता परिवारबाट प्राप्त रकमबाट आर्थिक रुपमा विपन्न र जेहन्दार विद्यार्थीलाई बार्षिक रुपमा छात्रवृत्ति दिइने तथा अति आवश्यक बिरामीलाई औषधि उपचारमा आर्थिक सहयोग प्रदान गरिने समितिका अध्यक्ष दासले बताए ।