काठमाडौं,३ साउनः साफ यु–२० महिला च्याम्पियनसिप फुटबलमा नेपालले भुटानलाई फराकिलो गोल अन्तरलले हराएको छ ।
बंगलादेशको राजधानी ढाकास्थित बसुन्धरा किङ्स इरिना मैदानमा शनिबार भएको खेलमा नेपालले भुटनामाथि ८–० को रवाफिलो जित हात पारेको हो । नेपालका लागि पूर्णिमा राई र मीना देयवा दुवैले ह्याट्रीक गरे ।
यसअघि गत बिहीबार भएको खेलमा नेपालले श्रीलंकालाई ७–० गोलको फराकिलो अन्तरले हराएको थियो।जारी प्रतियोगितामा नेपालले पहिलो खेलमा पनि श्रीलंकालाई नै ७–० ले हराएको थियो ।नेपालले लिगको अन्तिम खेल बंगलादेशसँग खेल्नेछ।