वीरगन्ज,२४जेठःपर्साको जगरनाथपुर गाउँपालिका वडा नमबर ६ माधोपुरमा ८० जना महिलाहरू जनमत पार्टीमा प्रवेश गरेका छन् ।शनिबार आयोजित कार्यक्रममा एउटै गााउका ८० जना मलिाहरु एकसाथ जनमत पार्टीमा प्रवेश गरेको जनमत पार्टी पर्साका अध्ध्यक्ष ओमप्रकाश सर्राफले बताए ।
नवप्रवेशी महिलाहरूले पार्टीको सदस्यता ग्रहण गर्दै सामाजिक रुपान्तरण र राजनीतिक सहभागितामा सक्रिय भूमिका निर्वाह गर्ने प्रतिबद्धतापनि जनाएको उनले बताए ।
जनमत पार्टीकी जिल्ला सदस्य अनिता रामको पहलमा आयोजित कार्यक्रममै कलिता देवी रामको अध्यक्षतामा ४१ सदस्यीय महिला टोल समिति गठन समेत गरिएको छ । उक्त समितिले स्थानीयस्तरमा पार्टीको सांगठानिक सुदृढीकरणमा सहयोग पु¥याउने अपेक्षा गरिएको जनमत पार्टी पर्साका अध्यक्ष सर्राफले बताए ।
जनमत पार्टीले महिलाहरूको सहभागिता र नेतृत्व विकासमा जोड दिँदै आएको सन्दर्भमा शनिबारको पार्टी प्रवेशले पार्टीभित्र महिला सशक्तिकरणको अभियानलाई थप उर्जा दिने विश्वास गरिएको जनमत पार्टीका नेता बृजेश्वर प्रसाद चौधरीले बताए ।
कार्यक्रममा जनमत पार्टीका केन्द्रिय सदस्य राहुल रौनियार ,प्रदेश सदस्य बृजेस्वर चौधरी ,महिला जिल्ला अध्यक्ष अन्जना गुप्ता ,पालिका अध्यक्ष सुनिल मुखिया, युवा अध्यक्ष सन्जय सिह लगायतकाकोपनि उपस्थिति रहेको थियो।