वीरगन्ज,२जेष्ठःवीरगन्जमा प्रहरीले लागू औषध खैरो हेरोइन(ब्राउन सुगर) सहित एक युवकलाई पक्राउ गरेको छ । पक्राउ पर्नेमा पर्साको वीरगन्ज महानगरपालिका वडा नम्बर १६ इनर्वाका २२ वर्षीय मुस्तmुा अन्सारी रहेका छन् ।
प्रहरी चौकी परवानीपुरबाट खटिएको प्रहरी टोलीले परवानीपुरमा बिआर ०६ सिटि ०८१० नम्बरको मोटरसाइकलमा सवार अन्सारीको शरिर खानतलासी गर्दा उनले लगाएको सर्टको खल्तीभित्रबाट ब्राउन सुगर १५ ग्राम बरामद गरेको हो ।
ब्राउन सुगर र मोटरसाइकलसहित नियन्त्रणमा लिइएका अन्सारीलाई जिल्ला प्रहरी कार्यालय पर्साको हिरासतमा राखेर पर्सा जिल्ला अदालतबाट ५ दिनको म्याद थप लिई थप अनुसन्धान भइरहेको पर्साका प्रहरी नायब उपरीक्षक किशोर लम्सालले जानकारी दिए ।