काठमाडौं ,१९चैत: अन्तर्राष्ट्रिय बजारमा सुनको मूल्य बढेसँगै त्यसको प्रभाव नेपालको बजारमापनि परेको छ। हिजो सोमबार प्रतितोला १ लाख ७७ हजार ९०० रुपैयाँमा कारोबार भएको सुन आज मंगलबार तोलामा १ हजार ८०० रुपैयाँले बढेर १ लाख ७९ हजार ७०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।यो हालसम्म कै उच्च मूल्य हो ।
गत शुक्रबारदेखि सुनको मूल्यले दैनिक नयाँ रेकर्ड बनाउँदै आएको छ । शुक्रबार प्रतितोला १ लाख ७६ हजार २ सयमा कारोबार भएको सुन आइतबार १ लाख ७६ हजार ८ सय पुगेको थियो ।
चाँदीको मूल्य भने स्थिर छ । आज मंगलबार चाँदीको मूल्य प्रतितोला २ हजार ३५ रुपैयाँ कायम भएको छ।