वीरगन्ज,०९फागुनःवीरगन्ज भन्सार क्षेत्रबाट सशस्त्र प्रहरीले एक थान एयरगन र त्यसमा लाग्ने ८२ राउण्ड गोलीसहित एक भारतीय नागरिकलाई पक्राउ गरेको छ ।पक्राउ पर्नेमा भारत पश्चिम बंगालको खिदिरपुर घर भई हाल ललितपुरमा बसेर फर्निचरको काम गर्दै आएका ३४ बर्षिय मिम्मर हुसेन रहेका छन् ।
शुक्रबार भारतको रक्सौलबाट खुलेयाम रुपमा एयरगन र गोली लिएर पैदल वीरगन्ज आँउदै गरेका हुसेनलाई सशस्त्र प्रहरीको प्रस्तावित सीमा सुरक्षा गुल्मको टोलीले पक्राउ गरेको हो । उनको साथबाट मोडल नम्बर एम ३५ को एयरगन १ थान र त्यसमा लाग्ने गोली ८२ राउण्ड बरामद गरिएको सशस्त्र प्रहरी नायब उपरीक्षक नरेन्द्र सिंह धामीले जानकारी दिए ।
एयरगन र गोलीसहित नियन्त्रणमा लिइएका हुसेनलाई आवश्यक अनुसन्धान तथा कारबाहीका लागि शुक्रबार नै प्रहरी चौकी इनर्वामा बुझाइएको सशस्त्र प्रहरी नायब उपरीक्षक धामीले जानकारी दिए ।