वीरगन्ज,१फागुन:बेङखाडी फुटबल क्लब महाेत्तरी,चौंथो परवानीपुर गोल्डकप फुटबलको फाइनलमा प्रवेश गरेको छ ।वीरगन्ज–२१ परवानीपुरको खेलमैदानमा बिहीबार भएको दाेस्राे तथा अन्तिम सेमिफाइनल खेलमा बाराकाे नव जनजागृती युवा क्लब सिमरालाई पराजित गर्दै महाेत्तरी फाइनलमा पुगेको हो ।
निर्धारित समयको खेलमा १–१ गोलको बराबरी भएपछि खेलको अन्तिम नतिजा ट्राइबेकरबाट गरिएको हो । ट्राइबेकरमा महाेत्तरीले सिमरालाई ५–४ले पराजित गरेको हो । उक्त खेलको म्यान अफ दी म्याच महाेत्तरीका गोलरक्षक राेहन घिसिङ घोषित भए । उनलाई समाजसेवी चन्देश्वर श्रीवास्तवले नगद ५ हजार सहित ट्रफी प्रदान गरे।
प्रतियोगिताकाे उपाधिका लागि फाइनलमा महाेत्तरीले वीरगन्ज युनाईटेड क्लबसंग प्रतिस्पर्धा गर्नेछ।