वीरगन्ज,३०माघःवीरगन्ज युनाइटेड क्लब,चौंथो परवानीपुर गोल्डकप फुटबलको फाइनलमा प्रवेश गरेको छ ।वीरगन्ज–२१ परवानीपुरको खेलमैदानमा बुधबार भएको पहिलो सेमिफाइनल खेलमा रोमन फुटबल क्लब हरिवन सर्लाहीलाई पराजित गर्दै वीरगन्ज फाइनलमा पुगेको हो ।
निर्धारित समयको खेलमा १–१ गोलको बराबरी भएपछि खेलको अन्तिम नतिजा ट्राइबेकरबाट गरिएको हो । ट्राइबेकरमा वीरगन्जले हरिवनलाई ७–६ ले पराजित गरेको हो । उक्त खेलको म्यान अफ दी म्याच वीरगन्जका गोलरक्षक दिलमणी चौधरी घोषित भए । उनलाई वीरगन्ज भेट्रान सिटीका अध्यक्ष सबिन वसनेतले नगद ५ हजार सहित ट्रफी प्रदान गरे।
प्रतियोगितामा दोस्रो तथा अन्तिम सेमिफाइनल खेल बिहीबार नव जनजागृती युवा क्लब सिमरा बारा र बेङखाडी युवा क्लबबिच हुने आयोजक टिमका सदस्य इमाम आलमले जानकारी दिए ।