बारा,१७माघःबाराको जीतपुरसिमरा उपमहानगरपालिका वडा नम्बर १ पथलैयाबाट प्रहरीले करिब २ सय १० केजी अवैध लागूऔषध गाँजा बरामद गरेको छ ।
अमलेखगन्जबाट पथलैयातर्फ आउँदै गरेको बागमती प्रदेश ०३–००१ च ३२२७ नम्बरको पिकअप गाडीलाई चेकजाँच गर्ने क्रममा २ सय १० केजीे गाँजा फेला परेको जिल्ला प्रहरी कार्यालय बाराले जनाएको छ ।
चेकजाँचका क्रममा उक्त गाडीका चालक भागेको प्रहरीले जनाएको छ ।उनको खोजीकार्य भइरहेको प्रहरीले जनाएको छ ।