काठमाडौं,९मंसिरःनेपाली कांग्रेसकी नेतृ चित्रलेखा यादव अष्ट्रेलियाको राजदूतमा नियुक्त भएकी छन् । राष्ट्रपति रामचन्द्र पौडेलले मन्त्रिपरिषद्को सिफारिसमा यादवलाई आइतबार अष्ट्रेलियाका लागि नेपालको आवासीय राजदूत पदमा नियुक्त गरेको राष्ट्रपति कार्यालयका प्रवक्ता शैलजा रेग्मी भट्टराईले जानकारी दिइन् ।
नेपालको संविधानको धारा २८२ को उपधारा (१) बमोजिम नेपाल सरकार मन्त्रिपरिषद्को सिफारिसमा यादवलाई अष्ट्रेलियाका लागि नेपालको आवासीय राजदूत पदमा नियुक्त गरिएको राष्ट्रपति कार्यालयले जनाएको छ ।
सिरहा निवासी यादव यसअघि कांग्रेसकी प्रमुख सचेतक थिइन्। गत निर्वाचनमा भने सिरहा– २ बाट उम्मेदवार बनेकी उनी जसपा उम्मेदवार राजकिशोर यादवसंग पराजित भएकी थिइन् ।