काठमाडौं,११कार्तिकःनेपाली बजारमा आज (आइतबार)सुनको भाउ प्रतितोला १४ सय रुपैयाँले बढेको छ । नेपाल सुनचाँदी व्यवसायी महासंघका अनुसार आज सुनको भाउ तोलामा १४ सय रुपैयाँले बढेर १ लाख ६७ हजाार ४०० रुपैयाँ पुगेको छ ।
सुनको यो मूल्य नेपाली बजारमा हालसम्मकै सबैभन्दा बढी हो ।यसअघि हप्ताको अन्तिम दिन अस्ति (शुक्रबार) प्रतितोला १ लाख ६६ हजार रुपैयाँ थिथयो ।
यस्तै, आज चाँदीको भाउ पनि बढेको छ । अस्ति शुक्रबारको भन्दा आज तोलामा १५ रूपैयाँ बढेर चाँदी २ हजार ८५ रूपैयाँमा कारोबार भइरहेको महासंघले जनाएको छ ।