वीरगन्ज,६कार्तिकःवीरगन्ज महानगरपालिकाका मेयर राजेशमान सिंहले वीरगन्जकै प्रमुख शक्तिपिठ मध्येको एक बिन्दवासिनीमाई मन्दिरको सौन्दर्यकरणका लागि तत्काल काम सुरु गर्न निर्देशन दिएका छन् ।
वीरगन्ज महानगरपालिका वडा नम्बर १९ केहुनियामा अवस्थित बिन्दवासिनीमाई मन्दिरको सौन्दर्यकरणका लागि महानगरपालिकाले केहि समयपहिले काम थालेकोमा लाइटिंग लगायतका केहि काम अधुरो रहेको छ ।
मंगलबार महानगरका कर्मचारीको टोलीसंगै बिन्दवासिनीमाई मन्दिरमा पुगेका मेयर सिंहले मन्दिर प्रांगणको स्थलगत अवलोकन गरेपछि बाँकी रहेका सौन्दर्यकरणका काम तत्काल सुरु गर्न मन्दिर व्यवस्थापन समितिका अध्यक्ष सुरेन्द्रलाल साह र महानगरका कर्मचारीलाई निर्देशन दिए ।
त्यसक्रममा मेयर सिंहले मन्दिरमा लाइटींग बत्ती लगाउन तथा कम्पाउण्डभित्र अधुरा रहेका सौन्दर्यका कारण काम मंगलबार अर्थात आजैदेखि सुरु गर्नपनि निर्देशन दिए ।