Madhes Khabar
स्थानिय हेडलाइन

पानीकाे समस्या समाधान गर्न वीरगन्ज महानगरले ४ हजार घरमा नि:शुल्क धारा जडान गर्दै

वीरगन्ज  ,२५जेष्ठ : वीरगन्ज महानगरपालिकाले महानगरका विभिन्न वडामा गिर चार हजार घरधुरीमा पानीकाे धारा निशुल्क जडान गर्ने भएको छ ।

वर्षा नहुँदा र बढ्दो गर्मीका कारण जमिनमुनि सतहमा पानी सुक्दा चाँपकलहरुमा पानी आउन छोडेपछि महानगरले पानीको आभावलाई मध्यनजर गर्दै नेपाल खानेपानी संस्थानकाे धारा नि:शुल्क जडान गर्न लागेको हो ।

 

अहिले गर्मीमा वीरगन्ज महानगरसहित तराई-मधेसका विभिन्न जिल्लामा चाँपाकलमा पानी आउन छाडेको गुनासो आउन थालेको छ । विद्युतीय मोटरले समेत पानी नतान्दा शहरी जीवन निकै प्रभावित बनेको छ । सोही समस्यालाई समाधान गर्न वीरगन्ज महानगरले नि:शुल्क पानीकाे धारा जडान गर्न लागेकाे हाे।

 

महानगरपालिकाका मेयर राजेशमान सिंहले बिहीबार बिहानै सामाजिक सञ्जाल मार्फत निःशुल्क धारा जडानका लागि वडा अध्यक्षहरुसँग सम्पर्क गर्न महानगरवासीलाई अनुरोध गरेका छन् ।

मेयर सिंहले वीरगन्ज महानगरपालिकाले वडा नम्बर १ देखि १७ सम्म र वडा नम्बर १९ मा नेपाल खानेपानी संस्थानसँग समन्वय गरेर ४ हजार घरधुरीमा निःशुल्क सरकारी धारा जडान गर्ने भएकोले वडावासीले सम्बन्धित वडाका वडाअध्यक्षसँग सम्पर्क गरी आफ्नो घरमा निःशुल्क धारा जडान गर्न अनुरोध गरेका छन् ।

चापाकलहरुमा पानी आउन छाडेपछि अहिले सरकारी धारा जडान गर्न आउने ग्राहकहरुको संख्या पनि बढेको खानेपानी संस्थान वीरगन्ज शाखाका प्रमुख इञ्जिनियर निरन महर्जनले बताए । पहिले सरकारी धारा जडान गर्न नमान्ने र पानी प्रयोग नगर्ने ग्राहकहरु अहिले दिनहुँ १० देखि १२ जनासम्म धारा जडानका लागि निवेदन दिन आउने गरेको प्रमुख महर्जनले बताए ।

Related posts

वीरगन्जका पत्रकार नेहाल खानकाे निधन

MadhesKhabar

जनमतका सतीश सिंह बने मधेसको मुख्यमन्त्री

MadhesKhabar

मधेस प्रदेशमा यसपालि रासायनिक मलको अभाव नहुने कृषि सामग्री कम्पनीको दाबी

MadhesKhabar

Leave a Comment