बारा,८असाेज:बारामा मंगलबार भएकाे माेटरसाइकल दुर्घटनामा एक युवककाे मृत्यु भएकाे छ।दुर्घटनामा एक युवक घाइते भएका छन्।
निजगढ नगरपालिकास्थित तामागढी–रतनपुर सडकको तपस्वीस्थलनजिकको जंगलमा मोटरसाइकल दुर्घटना हुदाँ निजगढ नगरपालिका-१३ का २५ वर्षिय सुरेन्द्र घलानको घटनास्थलमै मृत्यु भएको हाे।
प्रहरीका अनुसार,रतनपुरबाट निजगढतर्फ जाँदै गरेको प्र २–०३ –००६ प २७८० नम्बरको मोटरसाइकल आफैँ अनियन्त्रित भई सडक छेउको रुखमा ठोक्किँदा मोटरसाइकल चालक घलानको घटनास्थलमै मृत्युु भएको इलाका प्रहरी कार्यालय निजगढले जानकारी दिएको छ ।
दुर्घटनामा मोटरसाइकलको पछाडि सवार ४२ वर्षिय रामबहादुर बम्जन घाइते भएका छन् । उनको दाहिने खुट्टा र शरीरको विभिन्न भागमा चोट लागेको छ ।
बम्जनको वीरगन्जस्थित नेशनल मेडिकल कलेजमा उपचार भइरहेको प्रहरीले जानकारी दिएको छ ।