वीरगन्ज,७असाेज:वीरगन्ज महानगरपालिका वडा नम्बर ३० लालपर्सामा स्कुले बालबालिकालाई स्कुल ब्याग वितरण गरिएको छ।
लालपर्सास्थित नेपाल राष्ट्रिय माध्यमिक विद्यालयकाे बालविकास कक्षामा अध्ययनरत १ सय जना बालबालिकालाई साेमबार साहिब दरबार पर्साले स्कुल ब्याग वितरण गरेकाे हाे।साहिब दरबारकाे पाँचौ वार्षिकोत्सवकाे अवसरमा बालबालिकालाई स्कुल ब्याग वितरण गरिएको साहिब दरबार पर्साका अध्यक्ष उमेशलाल सहनीले बताए ।
विद्यालय परिसरमै आयाेजित कार्यक्रममा साहिब दरबा पुज्य सरकार जी महाराज र वीरगन्ज महानगरपालिकाका मेयर राजेशमान सिंहले बालबालिकालाई स्कुल ब्याग प्रदान गरेका थिए ।
वीरगन्ज महानगरपालिका वडा नम्बर ३० का वडाध्यक्ष मनाेजकुमार यादवकाे अध्यक्षता तथा वीरगन्ज महानगरका मेयर सिंहकाे प्रमुख आतिथ्यतामा भएकाे कार्यक्रममा जसपाका नेता प्रेमबाबु पटेल,गाँउका समाजसेवी,शिक्षक,शिक्षिका,अभिभावक लगायतकोपनि उपस्थिति रहेकाे थियाे ।