काठमाडौं,३१जेष्ठः पर्सा क्षेत्र नम्बर २ का प्रतिनिधीसभा सदस्य (सांसद) अजयकुमार चौरसियाले शहरी विकास मन्त्रालयको बजेट असन्तुलित रहेको बताएका छन् ।
बुधबार प्रतिनिधि सभाको बैठकमा शहरी विकास मन्त्रालयको विविध खर्चमा २२ लाख राखिएको र शीर्षक किटान नगरिएको भन्दै उनले भने, ‘‘जसरी बजेटमा स्वइच्छाचारित छ यस्तो (शीर्षक विनाको रकम)ले आर्थिक स्वइच्छाचारिता अझ बढ्छ ।’
कांग्रेस सांसद चौरसियाले शहरी विकास मन्त्रालयले बजेट असमान रूपमा वितरण गरेको आरोप लगाए। ‘सबैभन्दा कम बजेट मधेसमा दिइएको छ ।
मधेसको पनि पर्सा र विरगन्जमा साह्रै न्यून छ । यो असन्तुलन किन ?’ उनको प्रश्न थियो ।शहरी विकास मन्त्रालयको बजेट असन्तुलित बजेटको एक उदाहरण रहेको उनले बताए ।