काठमाडौं,२८जेष्ठः यस वर्षको मनसुन सरदर मितिभन्दा तीन दिन अगाडि नै नेपाल भित्रिएको छ । जल तथा मौसम विज्ञान विभागको मौसम पूर्वानुमान महाशाखाले आज(सोमबार) नेपालमा मनसुन भित्रिएको जानकारी दिएको हो ।
हाल कोशी प्रदेशमा केन्द्रित रहेको मनसुन नेपालका अन्य भूभागमा केही दिनमित्रै क्रमिक रुपमा फैलिँदै जाने मौसम पूर्वानुमान महाशाखाले जनाएको छ ।
नेपालमा सरदर जुन १३ तारिखमा मनसुन भित्रिने गर्दछ । यद्यपि कहिलेकाहीँ सरदर मितिभन्दा ढिलो–चाँडो पनि मनसुन भित्रिने गर्दछ । मौसम पूर्वानुमान महाशाखाले मनसुन भित्रिएको बताएपनि तराई–मधेसमा भने गर्मी घटेको छैन ।पर्साा,बारासहित मधेसका जिल्लामा अहिलेपनि अधिकतम तापक्रम ४० डिग्रि सेल्यिसभन्दा बढी नै रहदै आएको छ ।साभारः अनलाइनखबर