वीरगन्ज,२७बैशाखःटेलिफोन सेवा प्रदायक निजी कम्पनी एनसेलले वीरगन्जको शीवा हस्पिटल गल्लीमा सञ्चालनमा ल्याएको एनसेल सेन्टरको बिहीबार उद्घाटन गरिएको छ ।एनसेलका कर्मचारी प्रमुख स्टेफेन रोड्रीगेजले एनसेल सेन्टरको उद्घाटन गरेका हुन् ।
यसअघि वीरगन्जको माईस्थान चोकमा रहेको एनसेल सेन्टर अहिले शीवा हस्पिटल गल्लीमा रहेको सुविधासम्पन्न भवनमा नयाँ सेटअपसहित सञ्चालनमा ल्याइएको हो । उक्त सेन्टरमा पर्सा, बारा र रौतहट गरी तीन जिल्लाका लागि एनसेलको क्षेत्रीय अफिसपनि सञ्चालनमा ल्याइएको कष्टमर एक्सपेरियन्स मेनेजर ज्योती दाहालले जानकारी दिइन् ।
उनका अनुसार, बिहीबारदेखि औपचारिक रुपमा सञ्चालनमा ल्याइएको नयाँ एनसेल सेन्टरबाट प्रिपेड बील भुक्तानी, नयाँ सिम वितरण, फोरजी सिम वितरण लगायतका सेवाहरु उपलब्ध रहेको उनले बताइन् । एनसेलका ग्राहकलाई फेस टू फेस सेवा दिनका लागिपनि नयाँ सेटअपसहितको सेन्टर सञ्चालन गरिएको उनले बताइन् ।
दाहालका अनुसार, देशभरी एनसेलको ३३ वटा सेन्टर सञ्चालनमा छन् ।