जनकपुरधाम,२४बैशाखःजनकपुरमा सोमबार दिउँसै हतियारधारी समुहले सहकारी संस्थाका एक कर्मचारीबाट ८० लाख रुपैयाँ लुटेको छ ।धनुषाको सबैला नगरपालिका वडा नम्बर १२ मा रहेको शुभश्री बचत तथा ऋण सहकारी संस्थाका कर्मचारी वीरेन्द्रकुमार महतोलाई पेस्तोल देखाएर ८० लाख रुपैयाँ लुटिएको प्रहरीले जनाएको छ ।
मोटरसाइकलमा सवार भई आएका दुई जना हतियारधारीले जनकपुरधाम उपमहानगरपालिका वडा नम्बर १९ थुमौनाबाट आफ्नो साथमा भएको रकम लुटेर भागेको महतोले बताएका छन् ।
जनकपुरको हिमालयन बैंकबाट रकम झिकेर सबैलामा रहेको सहकारीतर्फ जाँदै गरेका बेला महतोको साथबाट रकम लुटिएको र उक्त घटनाका विषयमा अनुसन्धान गरिरहेको धनुषा प्रहरीले जनाएको छ ।
साभार : अनलाइनखबरबाट