झापा,२१बैशाख : झापाको दमकमा एक छात्रामाथि गोली प्रहार भएको छ। उदयपुर घर भई दमकमा डेरा गरी बस्दै आएकी १८ बर्षिया एनिका अधिकारी (निशा) माथि शुक्रबार दिउँसो करिब साढे १२ बजेतिर गोली प्रहार भएको हो।
दमकस्थित हिमाली माविबाट कक्षा १२ को परीक्षा दिएर डेरातर्फ गइरहेकी निशामाथि दमक–५ स्थित ज्येष्ठ नागरिक प्रतिष्ठान नजिकै सिरहा घर भएका ३० वर्षीय अमितकुमार साहले गोली प्रहार गरेको इलाका प्रहरी कार्यालय दमकले जनाएको छ । गोली उनको पेटमा लागेको प्रहरीले जनाएको छ । घाइते निशाको दमकस्थित लाइफलाइन अस्पतालमा उपचार भइरहेको छ।
गोली प्रहार गर्ने साह फरार रहेको र उनको खोजी भइरहेको प्रहरी नायब उपरक्षिक कृष्ण चन्दले बताए । निशामाथि गोली के कारणले चलाइएको हो भन्ने बारेमा अहिलेसम्म केहि खुल्न नसकेको उनले बताए ।