वीरगन्ज,१८बैशाखःपर्साको सखुवाप्रसौनी गाउँपालिका वडा नम्बर २ जमुनिया टोलमा सोमबार मध्यरातमा आगलागी हुदाँ दुई वटा घरगोठ जलेर नष्ट भएको छ ।
आगलागीबाट स्थानीयय रौफ मियाँ धुनिया र मनिफ मियाँको घरगोठ जलेर नष्ट भएको हाृ ।रौफ मियाँ धुनियाको घरमा राति लामखुट्टे धपाउन बालिएको घुरबाट आगो सल्किएर आगलागी हुदाँ छिमेकका मनिफकोपनि घर जलेर नष्ट भएको हो ।
आगलागीबाट जलेर मनिफको ९ वटा खसीबाख्रा, एउटा मोटरसाइकल तथा रौफको भैंसी २ वटा , बाख्रा २ वटा, खसी २ वटा ,नगद १० हजार रुपैयाँ, मोबाईल २ थान, साइकल २ थानका साथै लत्ताकपडा,भाडावर्तन सबै जलेर नस्ट भएको वडाध्यक्ष चिरञ्जीवी महतो थारुले जनकारी दिए ।
आगलाागी पिडित दुवै परिवारलाई मंगलबार वडाध्यक्ष थारुले चामल,दाल,तेल,नुन लगायतका खाद्यान्न सहयोग गरेको स्थानीय सञ्चारकर्मी रामकिशोर महत्तो थारुले जानकारी दिए ।