जनकपुरधाम,१२बैशाख:महोत्तरीको मटिहानी नगरपालिकामा आगलागी हुँदा करिब १२५ भन्दा बढी घरगोठ जलेका छन् । मटिहानी नगरपालिका-६ जर्लहवागाछी भगवती टोलमा बुधबार दिउँसो १ बजे सल्किएको आगलागीले बस्ती नै सखाप पारेको हो ।
१० वटा वारुणयन्त्र, तीनसय बढी सुरक्षाकर्मी, स्काइभेटर लगायत गाउँलेको सहयोगमा ६ घण्टापछि आगो नियन्त्रणमा आएको छ ।
धानुक, मुस्लिम, पासवान, मलाह, बिन समुदायको बसोबास रहेकव विपन्न वस्तीमा तातो हावा चलेको बेला आगलागी हुँदा नियन्त्रण बाहिर गएको थियो । त्यहाँका अधिकांश घर काठले बनेका र जस्तापाताको छानो भएका थिए ।
जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक सन्तुलाल जयसवारले अहिलेसम्म ९२ घर जलेको विवरण संकलन भएको बताए । उनले थप विवरण संकलन कार्य भइरहेको बताए ।
मटिहानी नगरपालिकाका मेयर हरिप्रसाद मण्डलले आगलागीमा करिब १२५ भन्दा बढी घरगोठ जलेको बताएका छन् ।आगलागीमा ५ वटा बाख्रा र दुईवटा सुँगुरपनि जलेर मरेको उनले बताए । क्षतिको विवरण संकलन गरिरहेको प्रहरीले जनाएको छ ।साभार:अनलाइनखबरबाट