वीरगन्ज,६बैशाख:भारतमा जारी इन्डियन प्रिमियर लिग(आइपीएल)मा बुधबार राति भएको खेलमा दिल्ली क्यापिटल्सले गुजरात टाइटन्समाथि सहज जित हात पारेको छ ।
गुजरातको घरेलु मैदान नरेन्द्र मोदी क्रिकेट स्टेडियम अहमदाबादमा भएको खेलमा दिल्ली ६ विकेटले विजयी भएकाे हाे ।
गुजरातले दिएको ९० रनको लक्ष्य दिल्लीले ८ दशमलब ५ ओभरमा ४ विकेट गुमाएर पुरा गर्यो ।
दिल्लीका लागि ज्याक फ्रायसरले १० बलमा २ चौका र २ छक्काको सहयोगमा २० रन बनाए । अभिषेक पोरेलले ७ बलमा २ चौका र १ छक्काको सहयोगमा १५ रन बनाए । साइ होपले १० बलमा १ चौका र २ छक्काको सहयोगमा १९ रन बनाए ।
कप्तान रिषभ पन्तले ११ बलमा १ चौका र १ छक्काको सहयोगमा अविजित १६ रन बनाए ।
गुजरातका लागि सन्दीप वारियरले दुई तथा राशिद खान तथा स्पेन्सर जोनसनले समान एक एक विकेट लिए ।
त्यसअघि टस हारेर पहिले ब्याटिङ गरेको गुजरातले १७ दशमलब ३ ओभरमा अल आउट हुदै ८९ रन मात्र बनाउँन सक्यो ।
गुजरातका लागि राशिद खानले २४ बलमा २ चौका र १ छक्काको सहयोगमा ३१ रन बनाए । राहुल तिवातियाले १५ बलमा १ चौकाको सहयोगमा १० रन बनाए ।
साई सुदर्शनले १२ रन बनाए । गुजरातका अन्य ब्याटरले दोहोरो अंकमा रन बनाउँन सकेनन् । यस इनिङमा जम्मा एउटा छक्का प्रहार भएको थियो ।
दिल्लीका लागि मुकेश कुमारले तीन तथा ट्रिस्टन स्टब्स र इशान्त शर्माले समान दुई दुई विकेट लिए । खलिल अहमद र अक्षर पटेलले समान एक एक विकेट लिए ।
सात खेलमा तेस्रो जितका साथ दिल्ली अंक तालिकाको छैठाैं स्थानमा छ । सातौं खेलमा चौथो हारका साथ गुजरात सातौं स्थानमा छ ।