वीरगन्ज,२५चैत:भारतमा जारी इन्डियन प्रिमियर लिग(आईपीएल) मा हार्दिक पान्ड्याको कप्तानीमा मुम्बई इन्डियन्सले पहिलो जित निकालेको छ ।
आइतबार आफ्नो चौथो खेलमा पहिलो जित निकाल्ने क्रममा मुम्बईले दिल्ली क्यापिटल्सलाई २९ रनले पराजित गरेकाे हाे ।
मुम्बईको वानखाडे स्टेडियममा भएकाे खेलमा २ सय ३५ रनको लक्ष्य पछ्याएको दिल्लीले निर्धारित २० ओभरमा ८ विकेट गुमाएर २ सय ५ रन मात्र बनायो ।
दिल्लीका लागि ट्रिस्टन स्टब्स ७१ र पृथ्वी शाले ६६ रन बनाए ।
त्यसअघि टस हारेर पहिले ब्याटिङ गरेको घरेलु टोलीले २० ओभरमा ५ विकेट गुमाएर २ सय ३४ रन बनाएको थियो ।उसका लागि रोहित शर्माले सर्वाधिक ४९ रन बनाए । यस्तै इशान किसनले ४३ र टिम डाभिडले ४५ रन बनाए ।
लगातार तीन हारपछि मुम्बईको यो पहिलो जित हो र उसको दुई अंक भएको छ ।मुम्बई अंक तालिकाको पुछारबाट तेस्रो स्थानमा उक्लिएको छ । पराजित दिल्ली भने अंक तालिकाको पुछारमा छ ।