काठमाडौं,१९चैतः भारतमा जारी इन्डियन प्रिमियर लिग (आईपीएल) क्रिकेटमा आज सोमबार मुम्बई इन्डियन्स र राजस्थान रोयल्स खेल्दैछन् । यी दुईबिचको खेल मुम्बईको वानखेडे स्टेडियममा बेलुकी पौने ८ बजेदेखि सुर हुनेछ ।
यसअघि पाँच पटकको विजेता मुम्बईले जारी आईपीएलमा आफ्नो शुरुवाती दुवै खेल हारेको छ ।जारी आईपीएलमा राजस्थानले भने शुरुवाती दुवै खेल जितेको छ । राजस्थान ४ अंकसहित अंक तालिकाको तेस्रो स्थानमा छ भने अंकविहीन मुम्बई नवौँ स्थानमा छ ।
मुम्बई र राजस्थानबीच आईपीएलमा २८ वटा खेल भएको छ । जसमा मुम्बई १५ र राजस्थान १२ खेलमा विजयी भएको छ । १ खेल नतिजाविहीन भएको थियो । मुम्बईले पाँचौँ पटक उपाधि जित्दा राजस्थानले एक पटक मात्र विजेता बनेको छ ।