वीरगन्ज,१५चैतः भारतमा जारी इन्डियन प्रिमियर लिग(आईपीएल) क्रिकेटमा आज बिहीबार राजस्थान रोयल्स र दिल्ली क्यापिटल्सबिचको खेल हुदैछ ।यी दुई बिचको खेल बेलुकी पौने ८ बजेदेखि जयपुरस्थित स्टेडियममा सुरु हुनेछ ।
जारी आईपीएलमा राजस्थानले पहिलो खेलमा लखनउ सुपर जायन्ट्सलाई हराएको थियो भने दिल्ली, पञ्जाव किंग्ससँग पराजित भएको थियो ।
आईपीएल क्रिकेटमा बुधबारराति भएको खेलमा सनराइजर्स हैदराबादले मुम्बई इन्डियन्सलाई हराएको छ । विभिन्न कीर्तिमान बनेको उक्त खेलमा हैदराबादले मुम्बईलाई ३१ रनले हराएको हो । हैदराबादले २० ओभरमा ३ विकेट गुमाएर २ सय ७७ रन बनाएको थियो । आईपीएल क्रिकेटमा यो अहिलेसम्मकै धेरै रन हो ।