मकवानपुर,२९फाल्गुनःकारमा लागू पदार्थ गाँजा ओेसार्ने बाराका एक युवक मकवानपुरको हेटाँडामा पक्राउ परेका छन्। पक्राउ पर्नेमा बाराको जितपुर सिमरा उपमहानगरपालिका वडा नम्बर–७ जितपुरका १९ बष्र्षिय साबिर अन्सारी रहेका छन् ।
हेटौंडा उपमहानगरपालिका वडा नम्बर–१९ नेवारपानीबाट उनलाई प्रहरीले ८४ किलो १२० ग्राम लागुऔषध गाँजासहित मंगलबार बिहान पक्राउ गरेको हो । अन्सारी आँफैले हाँकेको बिआर ०१ बिएफ ५५८१ नम्बरको भारतीय कार नेवारपानीमा राकेर प्रहरीले चेकजाँच गरेकोे थियो । त्यसक्रममा कारको सिटको भागमा फल्स बटम बनाई लुकाई छिपाई ल्याएको अवस्थामा ८४ किलो १२० ग्राम लागुऔषध गाँजा फेला परेको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिए ।
गाँजा र कारसहित नियन्त्रणमा लिइएका अन्सारीलाई मकवानपुर जिल्ला अदालतबाट १० दिनको म्याद अनुमति लिई थप अनुसन्धान भइरहेको भण्डारीले बताए ।