महाेत्तरी,२४पुष: महोत्तरीकाे बर्दिबास-जलेश्वर सडकखण्डमा दुई वटा मोटरसाइकल ठोक्किएर दुर्घटना हुँदा दुई जनाको मृत्यु भएको छ। दुई जना गम्भीर घाइते भएका छन्।
औरही नगरपालिका–१स्थित वडा कार्यालय नजिक सोमबार राति ९ बजेतिर बर्दिबासबाट रामगोपालपुर तर्फ जाँदै गरेको प्रदेश २–०२–००४ प १८४० नम्बरको पल्सर मोटरसाइकल र रामगोपालपुरबाट बर्दिबास तर्फ आउँदै गरेको ज ११ प ८०९९ नम्बरको डिस्कभर मोटरसाइकल ठोक्किएर दुर्घटना भएको हो। दुर्घटनामा रामगोपालपुर नगरपालिकाकाे थली विर्ताका ३० वर्षीय मुकेश चमार र भंगहा नगरपालिका–३ का ३२ वर्षीय धर्मेन्द्र महतोको मृत्यु भएको हो। मृतक दुवै माेटरसाइकल चालक हुन्।
दुर्घटनामा परेर घाइते हुनेमा भंगहा नगरपालिका–५ विर्ता पलारका ३१ वर्षीय श्रीराम गोसाई र बर्दिबास नगरपालिकाका प्रेमनगरका २६ वर्षीय प्रदीपकुमार यादव रहेका छन्।