वीरगन्ज,२०पुष:पर्साको सखुवाप्रसौनी गाउँपालिकाका माछा पालक किसानहरुलाई तालिम दिइएकाे छ।गाँउपालिककाे पशु शाखाले आयाृजना गरेकाे तालिममा ३० जना किसानले व्यवसायिक माछा पालन सम्बन्धि तालिम लिएका हुन्।
वडा नम्बर २ स्थित दिपनरायण उच्च माध्यमिक विद्यालयको सभाहलमा आयाेजित एकदिने तालिममा सहभागी किसानहरुलाई माछाका प्रजाति , माछामा लाग्ने राेग , माछा पालनकाे तरिका,यसबाट हुने फाइदा लगायतका बारेमा पशु सेवा कार्यालय पर्साका प्रमुख राज कुमार साहले जानकारी गराएकाे गाँउपालिकाकाे पशु शाखाका सह-प्रमुख राेशन कँडेलले जानकारी गराए।
यसअघि तालिमको उद्घाटन गर्दै गाँउपालिकाका अध्यक्ष यशवन्त यादवले पालिकाका किसानहरुलाई व्यवसायिक माछापालन तर्फ लाग्न आग्रह गरे।माछापालनमा मनग्य आम्दानी हुने र यसमा लाग्ने किसानकाे आर्थिक जिवनस्तरमा सुधार ल्याउने भएकाले तालिमकाे आयाेजना गरिएको उनले बताए।
वडा नम्बर २ का वडाध्यक्ष चिरञ्जीवी महतो थारुको अध्यक्षतामा भएको हो।तालिमको उद्घाटन कार्यक्रममा गाउँपालिकाकी उपाध्यक्ष शर्मिला बिष्ट, प्रमुख प्रशासकीय अधिकृत राजेश रौनियार,वडा नम्बर ३ का वडाध्यक्ष मोजामिल अन्सारी,समाजिक विकास शाखा प्रमुख विनोद यादव,पशु शाखा प्रमुख अमित कुशुवाहा लगायत को उपस्थिति रहेको थियो।