प्रमाेद यादव
पर्सा,९पुष: पर्साकाे पटेर्वा सुगाैली गाँउपालिका वडा नम्बर २ थरकट्टीमा बाघकाे आक्रमणबाट एक युवककाे मृत्यु भएकाे छ ।
मृत्यु हुनेमा थरकट्टी गाँउका बाबुलाल महताे उराँवका छाेरा २० वर्षिय मनाेज महताे उराँव रहेका छन् ।
सब डिभिजन वन कार्यालय रंगपुरका रेञ्जर कपिलदेव यादवका अनुसार,जंगलसंग जाेडिएकाे थरकट्टी गाँउका मनाेज आइतबार बेलुकी शाैच गर्न खेत तिर गएका थिए।राति अबेरसम्म घर नफर्किएका मनाेजलाई खाेज्न छिमेकी र गाँउलेहरुले साेमबार बिहान खेत तिर जाँदा खेत नजिकैकाे जंगलमा बाघले मारेर खाएकाे अवस्थामा मनाेजका शरीरका अंगहरु भेटिएको रेञ्जर यादवले जानकारी दिए।
पर्साका प्रहरी प्रवक्ता प्रहरी नायब उपरीक्षक कुमार विक्रम थापाले थरकट्टी गाँउमा बाघले मान्छे मारेकाे खबर प्रहरीलाई आएपछि अनुसन्धानका लागि प्रहरीको टाेली घटनास्थलमा पुगेकाे बताए।