काठमाडौं,१३कार्तिक: जनता समाजवादी पार्टी (जसपा)ले मधेस प्रदेशसभाको समानुपातिक सांसदमा सञ्जिलाकुमारी यादवलाई पठाउने निर्णय गरेको छ ।
सोमबार पार्टी केन्द्रीय कार्यालय, बालकुमारीमा बसेको जसपाको केन्द्रीय कार्यकारिणी बैठकले सञ्जिलाकुमारीको नाम टुंगो लगाएको हो ।
यसअघिकी समानुपातिक प्रदेश सांसद विन्दुकुमारी यादवको गत भदौमा निधन भएपछि रिक्त पदमा सञ्जिलाकुमारी यादवलाई पठाउने निर्णय भएको जसपा नेता प्रकाश अधिकारीले जानकारी दिए ।