वीरगन्ज,१कार्तिकः पर्साको ठोरी गाँउपालिका ४ बिजयबस्तीमा जारी स्व. रामबहादुर श्रेष्ठ स्मृति ठोरी गोल्डकप फुटबलमा बुधबार भएको खेलमा जित हात पार्दै वीरगन्ज युनाइटेड क्लब सेमिफाइनलमा प्रवेश गरेको छ ।
बिजयबस्तीस्थित खेलमैदानमा भएको क्वाटरफाइनल खेलममा आर.टी.वाई. सिमरालाई २–१ ले पाखा लगाँउदै वीरगन्जले अन्तिम चारमा स्थान सुरक्षित गरेको हो । उक्त खेलको म्यान अफ दि म्याच वीरगन्ज युनाइटेड क्लबका युवराज खड्का घोषित भए ।
प्रतियोगितामा बिहीबार पहिलो सेमिफाइनलका खेल बाग्मती युवा क्लब सर्लाही र निर्मल समाज युवा क्लब ठोरी ४ बिच हुनेछ । असोज २० गते देखि सुरु प्रतियोगिताको फाइनल खेल कार्तिक ६ गते हुन छ । प्रतियोगितामा कुल १६ टिमको सहभागीता रहेको छ । उपाधि विजेता टिमले नगद ३ लाख र उपविजेता टिमले नगद १ लाख ५० हजार रुपैयाँँ पुरस्कार पाउने आयोजकले जनाएको छ ।