वीरगन्ज,९असाेज: बाराकाे पचरौता नगरपालिकामा फेरि एक जनाकाे हत्या गरिएको छ । पचराैता नगरपालिका वडा नम्बर ६ पकडिया स्थित लक्ष्मीनिया पोखरीको डिल नीर मंगलबार साँझ अन्दाजी २०/२२ वर्षका एक युवकको हत्या गरिएकाे अवस्थामा शव भेटिएको हाे ।मृतककाे पहिचान खुल्न सकेकाे छैन ।
स्थानीय प्रत्यक्षदर्शीका अनुसार, साँझ ६ बजेतिर माेटरसइकलमा सवार भई आएका अपरिचत व्याक्तिहरुले पाेखरीकाे डिलनिर रहेेका अन्दाजी २०/२२ वर्षका ती युवकलाई गाेली हानेर फरार भएका थिए । कन्चटकाे तल काननिर गाेली लागेका युवकको घटनास्थलमै मृत्यु भएकाे प्रत्यक्षदर्शीले बताएका छन् ।
मृतक युवककाे अहिलेसम्म पहिचान खुल्न नसकेकाे पचराैता नगरपालिकाका मेयर जलन्धर सिंहले बताए ।घटनाकाे जानकारी पाएपछि प्रहरीको टाेली घटनास्थलमा पुगेर अनुसन्धान गरिरहेकाे सिंहले जानकारी दिए ।
यसैबिच घटनास्थलमा पुगेका एक प्रहरी अधिकृतले भने मृतककाे कानभित्रबाट रगत बगेकाे अवस्थामा शव भेटिएको बताए ।उनले भने,`गाेली हानेर मारिएकाे हाे वा हाेईन भन्ने यकिन भइसकेकाे छैन ।किनकि घटनास्थलमा गाेलीकाे खाेका भेटिएकाे छैन ।शवकाे पाेष्टमार्टम रिपोर्ट आएपछि मात्रै मृत्युको यकिन कारण खुल्न सक्छ ।