काठमाडौं,८असोजः माल्दिभ्सलाई हराउँदै नेपाल साफ यू–१९ च्याम्पियनसिप फुटबलको सेमिफाइनलमा पुगेको छ ।काठमाडौंको दशरथ रंगशालामा सोमबार भएको प्रतिस्पर्धात्मक खेलमा नेपालले माल्दिभ्सलाई ४–१ ले हराउँदै अन्तिम चारको यात्रा तय गरेको हो ।
नेपाललाई जिताउन समीर तामाङले २ तथा प्रशान्त लक्सम र निराजन धामीले एक एक गोल गरेका हुन् । माल्दिभ्सका लागि एक मात्र सान्तवना गोल आदम रशिदले गरेका हुन् ।
सेमिफाइनलमा अब नेपालले अब भुटान र भारतबिच सोमबार नै हुने खेलको विजेतासँग खेल्ने छ ।