वीरगन्ज,४असोजःवीरगन्जमा लागूऔषधसहित एक युवक पक्राउ परेका छन् । मकवानपुरको हेटौंडा उपमहानगरपालिका–४ का ३४ वर्षीय अजित तामाङलाई प्रहरीले पक्राउ गरेको हो ।
बुधबार साँझ ५ बजे भारतको रक्सौलबाट प्र २–०२–००४ प ७४९५ नम्बरको स्कुटरमा वीरगन्जतर्फ आउँदै गरेको अवस्थामा वीरगन्ज–१६ शंकराचार्य गेटस्थित सडक खण्डबाट तामाङलाई प्रहरीले पक्राउ गरेको हो । उनको साथबाट १ सय एमएलको ओनरेक्स ६९ वटा बोतल बरामद गरिएको प्रहरीले जनाएको छ ।
स्कुटर र लागूऔषधसहित उनलाई नियन्त्रणमा लिइ लागूऔषध सम्बन्धी कसूरमा थप अनुसन्धान भइरहेको जिल्ला प्रहरी कार्यालय पर्साका प्रहरी नायब उपरीक्षक कुमार विक्रम थापाले जानकारी दिए ।