वीरगन्ज ,३०भदाैं: पर्सामा जनमत पार्टीले संगठन विस्तार अभियानलाई तिब्रता दिएको छ ।जस अन्तर्गत पर्साकाे क्षेत्र नम्बर -४ को क्षेत्रीय भेला सम्पन्न भएको छ ।
जनमत पार्टीका केन्द्रिय सदस्य चन्दन चौहानको अध्यक्षता तथ राष्ट्रिय परिषद सदस्य डा. अजय यादवको प्रमुख आतिथ्यमा भेलालाई सम्बोधन गर्दै जनमत पार्टीका पर्सा जिल्ला संयोजक ओमप्रकाश सरार्फले अब नेपाली जनताको आशा र भरोसाको एकमात्र पार्टी जनमत पार्टी भएकाे बताए।
उनले सुशासन, विकासका साथै, विभेदरहित समाज निर्माण तथा भ्रष्टाचार, बेथितिबाट मुक्तिको लागी जनमत पार्टीमा गोलबन्द आग्रहपनि गरे ।
जनमत पार्टीका राजनीतिक समिति सदस्य सिपु तिवारीले पार्टी अध्यक्ष डाक्टर सिके राउत त्यागी र दूरदर्शी नेता भएको बताए ।
भेलामा केन्द्रिय सदस्यहरु नजमा खातुन, अनिता रौनियार, स्थानीय नेताहरु सन्तोष साह, अमरनाथ सिह राठौर, युवा अध्यक्ष राजुराज गिरि,अमिरका राउत, दिपक यादव, दिलिप यादव, राहुल सरार्फ लगायतलेपनि सम्बोधन गरेका थिए ।
उक्त भेलामा दुई दर्जन स्थानीय अगुवाहरु जनमत पार्टीमा प्रवेश गरेकाे पर्सा संयाेजक सर्राफले जानकारी दिए ।
यसैगरी शनिबार नै जनमत पार्टीले वीरगंज महानगरपालिकाकाे वडा नम्बर २४ रमघडवामा बिजेन्द्र यादवको अध्यक्षतामा समिति गठन गरेको छ । वडा सुदृढीकरण अभियान अन्तर्गत पर्साको सबै वडामा वडा कमिटी गठनको अभियान तिब्र गतिमा जारी रहेको पर्सा जिल्ला सह- इन्चार्ज मुकेश दिवेदीले बताए ।