वीरगन्ज,२६भदौं : पर्साको पटेर्वा सुगौली गाँउपालिका वडा नम्बर ५ देवरिया र फरहदवाबिचको सडकखण्डबाट वनगस्ती टोलीले काँचो सालको काठसहित एउटा मोटरसाइकल बरामद गरेको छ ।
सब डिभिजन वन कार्यालय रंगपुरटाडीबाट जमदार अर्जुन चौधरीको नेतृत्वमा खटिएको वनगस्ती टोलीले मंगलबार बिहान ३ बजेतिर तस्करले राष्ट्रिय वनबाट सालको रुख काटेर दुई थान गोलीया काठ मोटरसाइकलमा ल्याउदै गरेको अवस्थामा बरामद गरेको हो ।
ना२२ प ७६४८ नम्बरको डिस्कभर मोटरसाइकल र त्यसमा लोड गरिएको २ थान (१७ क्युबिक फिट ) सालको काठ बरामद गरिएको सब डिभिजन बन कार्यालय रंगपुरका रेन्जर कपिलदेव यादवले बताए। तस्कर भने फरार भएकोले पक्राउ गर्न नसकिएको उनले बताए ।