काठमाडाैं,२०भदाैं: नेपाल १६ वर्षमुनिको साफ च्याम्पियनशिप फुटबल प्रतियाेगिताकाे समूह चरणबाटै बाहिरिएकाे छ ।
बुधबार भुटानकाे थिम्पुमा भएकाे खेलमा भारतसँग १–० गाेलले पराजित हुँदै नेपाल समूह चरणबाटै बाहिरिएकाे हाे । भारतका लागि माेहम्मद अरबासले खेलकाे ३३ औँ मिनेटमा गाेल गरे ।
समूह ‘ए’ मा रहेको नेपाल साेमबार भएकाे पहिलाे खेलमा बङ्गलादेशसँग १–० गोलले पराजित भएको थियो । नेपाल बाहिरिएसँगै भारत समूह ‘ए’ को विजेता र बङ्गलादेश उपविजेताका रूपमा सेमिफाइनलमा पुगेका छन् ।
यस्तै समूह ‘बी’ बाट पाकिस्तान सेमिफाइनलमा पुगिसकेकाे छ । बुधबार नै हुने माल्दिभ्स र भुटानबीचकाे खेलबाट सेमिफाइनलमा पुग्ने अर्काे टाेलीकाे टुङ्गाे लाग्नेछ ।