वीरगन्ज ,३२साउन : गत स्थानीय तहकाे निर्वाचन ताका नेपाली कांग्रेसमा प्रवेश गरेका जलेश्वर सर्राफ पुन राप्रपामै फर्किएका छन् ।
तत्कालीन राप्रपाकाे वीरगन्ज महानगर अध्यक्ष रहेका सर्राफ गत स्थानीय तहकाे निर्वाचन अघि राप्रपा परित्याग गरी कांग्रेसमा प्रवेश गरेका थिए ।
तर बुधबार उनि फेरि राप्रपामै फर्किएका हुन् । बुधबार वीरगन्जस्थित राप्रपाका जिल्ला अध्यक्ष अवधिकशाेर साहकाे निवासमा आयाेजित कार्यक्रममा राप्रपाका नेता एंव सांसद दिपक बहादुर सिंहले सर्राफलाई पुन राप्रपामै फर्काएका हुन् ।
पुन राप्रपामा फर्किएका सर्राफलाई पहिलेकै वीरगन्ज महानगरकाे अध्यक्षकाे जिम्मेवारी दिइएकाे राप्रपाका पुर्व केन्द्रीय सदस्य नगीना यादवले बताए ।
बुधबारकाे कार्यक्रममा राप्रपाका केन्द्रीय सदस्य अंगद ठाकुर, पुर्व केन्द्रिय सदस्य नगिना यादव, जिल्ला उपाध्यक्ष अवधकिशोर साह, क्षेत्रीय अध्यक्ष अर्जुनसिंह ठकुरी,नेताहरु किरण डङ्गोल, दिपनारायण यादव, रोशन यादव ,राप्रपा का पार्टी प्रवक्ता शम्भु घिमिरे, नरेन्द्र चौरसिया लगायतकाेपनि सहभागीता रहेको थियो।